काठमाडौं- गृहमन्त्री रामबहादुर थापाले निर्मला पन्तको हत्यारा पनि कानुनको पञ्जाको नजिक आइसकेको बताएका छन् । शनिबार प्रधानमन्त्री केपी शर्मा ओली नेतृत्वको नेकपाले विराटनगरमा आयोजना गरेको आमसभालाई सम्बोधन गर्दै गृहमन्त्री थापाले निर्मलाको हत्यारा पनि छिट्टै पक्राउ पर्ने बताए ।
‘निर्मलाको हत्यारा, बलात्कारी पनि अब हाम्रो कानुनको पञ्जाको नजिक आइसकेको छ’, उनले भने, ‘त्यसलाई पनि हामी छिट्टै कानुनको कठघरमा उभ्याउनेछौँ ।’
गृहमन्त्री थापाले कैलालीकी युवती भागरथी भट्टको बलात्कारपछि हत्या गर्नेलाई प्रधानमन्त्री ओलीले पानीमुनि गए पनि नछा्ने उद्घोष गरेको र सोही उद्घोषबमोजिम आफूहरुले हत्यारालाई पक्राउ गर्न सफल भएको बताए ।
गृहमन्त्री थापाले भागरथी भट्टको बलात्कारपछि हत्या गर्नेलाई प्रधानमन्त्री ओलीले पानीमुनि गए पनि नछा्ने उद्घोष गरेको र सोही उद्घोषबमोजिम आफूहरुले हत्यारालाई पक्राउ गर्न सफल भएको बताए ।
‘महिलाहरुको बलात्कार र हत्या गर्ने अपराधीहरुलाई पानीमुनि गएपनि छाड्ने छैनौँ, कानुनको कठघरमा ल्याएरै छाड्छौँ भनेर प्रधानमन्त्रीले उद्घोष गर्नुभयो । उक्त उद्घोष भागरथीको सन्दर्भमा थियो’, मन्त्री थापाले भने, ‘प्रधानमन्त्रीको उद्घोषलाई हामीले सत्य सावित गर्यौं, भागरथीको हत्यारा, बलात्कारीलाई कानुनको कठघरमा उभ्याउन सफल भएका छौँ ।’
