काठमाडौं- गोरखाको बारपाकमा एकै परिवारका तीनजना घरभित्रै मृत फेला परेका छन् । बारपाक सुलिकोट गाउँपालिका–१ मा एकै परिवारका तीनजनाको घरभित्रै शव फेला परेको प्रहरीले जनाएको छ ।
८४ वर्षीय तीलबहादुर गुरुङ, उनकी बुहारी २१ वर्षीया आइतकुमारी गुरुङ र नातिनी नाता पर्ने १२ वर्षीया उषा गुरुङको शव फेला परेको जिल्ला प्रहरी कार्यालय गोरखाका प्रहरी प्रमुख एसपी सुरेन्द्र गुरुङले जानकारी दिए ।
उनका अनुसार तीनैजनाको मुखबाट फिज निस्केको अवस्थामा शव भेटिएको छ । सोमबार बिहान अबेरसम्म ढोका नखुलेपछि छिमेकीहरु आएर हेर्दा शव देखेको र प्रहरीलाई खबर गरेको उनले बताए ।
घटनाबारे थप अनुसन्धान भइरहेको उनले बताएका छन् ।
प्रतिक्रिया दिनुहोस्
