कञ्चनपुर- घरायसी विवादमा बुहारी र नातिले कुटपिट गरेर घाइते भएका वृद्धको उपचारको क्रममा मृत्यु भएको छ ।
प्रहरीका अनुसार घरायसी विवादमा बुहारी र नातिले कुटपिट गर्दा घाइते भएका भीमदत्त नगरपालिका-२ का ७६ वर्षीय प्रेम थापाको उपचारका क्रममा मृत्यु भएको छ ।
जिल्ला प्रहरी कार्यालय कञ्चनपुरका प्रहरी नायब उपरीक्षक अमरबहादुर थापाले कुटपिट गर्ने ३५ वर्षीया सीता थापा र उनका १८ वर्षीय छोरा अर्जुन थापालाई नियन्त्रणमा लिएको बताए ।
गत माघ २८ गते दुवै जनाले वृद्धमाथि कुटपिट गरेको प्रहरी नायब उपरीक्षक थापाको भनाइ छ ।
प्रतिक्रिया दिनुहोस्
