काठमाडौं- नेपाली कांग्रेसको पदाधिकारी बैठक बस्दै छ । सभापति शेरबहादुर देउवाले बुढानीलकण्ठमा दिउँसो ३ बजेका लागि बैठक बोलाएका छन् ।
बैठकमा पछिल्लो राजनीतिक अवस्था र कांग्रेसको भूमिका बारे छलफल हुने बताइएको छ ।
प्रचण्ड-नेपाल समूहका दुई अध्यक्ष पुष्पकमल दाहाल (प्रचण्ड) र माधवकुमार नेपालले बुधबार देउवा निवास बुढानीलकण्ठ पुगेर सत्ता साझेदारीको प्रस्ताव गरेका थिए ।
प्रस्तावपछि आज पदाधिकारी बैठक बस्न लागेको हो ।
पार्टीका पूर्वपदाधिकारीसमेत सहभागी हुने बैठकमा प्रतिनिधिसभा पुनःस्थापनापछि कांग्रेसको अबको रणनीति, नेकपाको प्रचण्ड-नेपाल समूहको प्रस्तावलगायतबारे छलफल हुने बुझिएको छ ।
प्रतिक्रिया दिनुहोस्
