काठमाडौं- प्रधानमन्त्री केपी शर्मा ओली आज गृह जिल्ला झापा जाँदै छन् । ओली दिनभर दमक र कमलमा हुने कार्यक्रममा सहभागी हुने तालिका छ ।
दमक र कमलमा प्रधानमन्त्रीले विभिन्न योजनाको शिलान्यास र उद्घाटन गर्ने छन् । दमक र चुलाचुली जोड्ने रतुवा नदीमा मदन भण्डारी मार्गमा पर्ने पुलको शिलान्यास गर्ने कार्यक्रम छ ।
यस्तै गौरादह, दमक र कमलमा २ हजार २ सय विगाहमा बन्ने चाइना नेपाल फ्रेन्डसीप इन्डस्ट्रियल पार्कको पनि प्रधानमन्त्रीले शिलान्यास गर्ने छन् ।
दमक १ बाट चुलाचुली जोड्ने रतुवा नदीमा निर्मित पुल, दमक ४ बाट उर्लाबारीको आमबारी जोड्ने मावा पुल, दमक १० बाट बालुवथान जोड्ने रतुवामा निर्मित पुलको उद्घाटन गर्ने कार्यक्रम रहेको छ ।
प्रधानमन्त्री आजै काठमाडौँ फर्कने तयारी छ ।
प्रतिक्रिया दिनुहोस्
