ताप्लेजुङ- ताप्लेजुङको मेरिङदेन गाउँपालिका-३ तथा जिल्लाकै दोस्रो ठूलो दोभान बजारमा भिषण आगलागी भइरहेको छ । आज बिहान १० बजे भोला पौडेलका घरबाट विद्युत् चुहिएर आगलागी भएको स्थानीय गणेश कार्कीले जानकारी दिए ।
दोभान बजारमा अहिले ३५ घर जलेर पूरै नष्ट भइसकेका छन् । आगो नियन्त्रणभन्दा बाहिर गइसकेकाले केही घर भत्काएर अग्निरेखा कोर्ने काम हुँदैछ ।
ताप्लेजुङको दमकल आगलागी क्षेत्रमा पुगेको र छिमेकी जिल्ला पाँचथरदेखि पनि आउँदै गरेको जिल्ला प्रहरी कार्यालयका प्रमुख बालनरसिंह राणाले जानकारी दिए।
उनले भने, ‘म पनि आगलागी क्षेत्रमा जाँदै छु । आगलागी भीषण छ भन्ने खबर आएको छ ।’ सुरक्षाकर्मी र स्थानीयवासीले आगो नियन्त्रण गर्ने पहल गरिरहेको कार्कीले जानकारी दिए ।
प्रतिक्रिया दिनुहोस्
