ताप्लेजुङ- दोभान बजारमा आगलागी हुँदा ४० घर जलेर पुरै नष्ट भएका छन् । मेरिङ्देन गाउँपालिका-३ स्थित जिल्लाकै दोस्रो ठूलो दोभान बजारमा भएको आगलागी अहिलेसम्म पनि नियन्त्रणमा आएको छैन ।
बिहान करिब ९ बजे भोला पौडेलका घरबाट विद्युत् सर्ट भई आगलागी भएको एक स्थानीयले जानकारी दिए । ४० घरमा रहेका करिब ८० वटा पसल जलेका छन् ।
स्थानीयकाअनुसार फुङलिङ नगरपालिकाको दमकल, सुरक्षाकर्मी र स्थानीयवासीले आगो नियन्त्रण गर्ने पहल गरिरहेका छन् ।
आगलागी नियन्त्रणका लागि प्रयास गरेपनि हालसम्म नियन्त्रणमा आएको छैन । आगलागीको कारण खुलेको छैन ।
प्रतिक्रिया दिनुहोस्
