काठमाडौं- नयाँ फिल्म ‘गोर्खा वारियर-२’ को घोषणा भएको छ । मंगलबार काठमाडौं आयोजित एक कार्यक्रमबीच फिल्म निर्माणको घोषणा गरिएको हो ।
निर्देशक मिलन चाम्सले निर्देशन गर्ने उक्त फिल्ममा रेविका गुरुङ र रितेश चाम्सको मुख्य अभिनय रहने छ ।
यसका साथै विजय लामा, रियर राई ,भूवन सिंह राई, शिशिर वाङदेल, बुद्धि तामाङ, कविता आले , विरुप घले, सारा राई लगायतले पनि अभिनय गर्नेछन् ।
त्यस्तै लन्डन सिनेआई प्रोडक्सनको ब्यानरमा निर्माण हुन लागेको फिल्ममा चाम्स इन्टरटेन्मेन्टको समेत सहकार्य रहेको फिल्मको सह-निर्मातामा सुरेश राई र पूर्ण लिम्बु हुन् ।
निर्माता तथा निर्देशकको पाटो सम्हालेका चाम्सले फिल्मको कथा पनि आफैंले लेखेका हुन् ।
साथै यस फिल्मको पटकथा र संवाद मिलन र गिरिराज घिमिरेको रहेको छ । फिल्ममा अर्जुन बि.सीको सम्पादन, सुदिप बरालको छायांकन, एलिस कार्कीको संगीत र हिमाल केसीको द्वन्द्व रहने छ ।
फिल्मले गोर्खलीहरूको बहादुरी तथा वीरताको कथा भन्नेछ । छायांकन नेपाल, मलेसिया र बेलायतमा हुनेछ । फागुन २३ गतेबाट छायांकन सुरु गरिने बताइएको छ ।
यस फिल्मको ४ ओटा सिरिज बन्ने पनि निर्देशक मिलनले बताएका छन् ।
