काठमाडौं- इङ्ग्लिस प्रिमियर लिगअन्तर्गत गएराति सम्पन्न खेलमा म्यानचेस्टर युनाइटेडले म्याचेस्टर सिटीमाथि जित निकालेको छ ।
जारी सिजनमा आफ्ना पछिल्ला २१ खेलहरुमा अपराजित रहेको लिग लिडर सिटी गएराति इतिहाद स्टेडियममा सम्पन्न खेलमा युनाइटेडसँग पराजित भएको भए ।
युनाइटेडको जितमा ब्रुनो फर्नान्डेज र लुक श ले गोल गरे ।
खेलको दोस्रो मिनेटमै सिटीका गाब्रिय जिससले एन्टोनी मार्सियललाई फउल गरेपछि युनाइटेडले पेनाल्टीको अवसर पाएको थियो । जसलाई सदुपयोग गर्दै फर्नान्डेजले गोल गरे ।
पहिलो हाफमा एक गोलले अघि रहेको युनाइटेडको अग्रता श ले दोब्बर बनाए । उनले खेलको ५० औं मिनेटमा मार्कस रासफोर्डको पासमा गोल गरेका थिए । र, यो सँगै युनाइटेडले २-१ गोलअन्तरको जित निकाल्यो ।
पराजयका बावजुत सिटी अंकतालिकाको शीर्षस्थानमा छ । सिटीले २८ खेलबाट ६५ अंक जोडेको छ भने समान खेलेको युनाइटेड ५४ अंक जोड्दै तालिकाको दोस्रो स्थानमा छ ।
