काठमाडौं । नेकपा माओवादी केन्द्र ब्युँतिएपछि अध्यक्ष पुष्पकमल दाहाल (प्रचण्ड) काठमाडौं बाहिरको कार्यक्रममा सहभागी हुन आज बुटवल जाँदैछन् । बुटवलमा आजबाट सुरु हुने दलित पत्रकार संघको राष्ट्रिय अधिवेशनको उद्घाटन गर्न दाहाल त्यहाँ जान लागेका हुन् ।
साे कार्यक्रम सकेर प्रचण्ड होटलले डेनोभोमा रुपन्देहीका माओवादी केन्द्रका अगुवा कार्यकर्ताहरूले आयोजना गरेको भेलालाई प्रशिक्षण दिनेछन् । सो भेला माओवादी ब्युँतिएपछिको पहिलो भेला र प्रशिक्षण हो ।
तीन दिनसम्म चल्ने अधिवेशन चैत्र १ मा सकिनेछ । महाधिवेशनमा टिआर विश्वकर्मा स्मृति राष्ट्रिय पत्रकारिता पुरस्कार, देवव्रत परियार स्मृति राष्ट्रिय पत्रकारिता पुरस्कार, परशु सवरी पत्रकारिता पुरस्कार र राममाया च्यामे लोक पुरस्कार तथा लेखनवृति समेत वितरण गरिने तयारी भएको संघका केन्द्रीय अध्यक्ष विनोद पहाडीले बताए ।
७७ जिल्लाकै प्रतिनिधिहरू उपस्थित हुने उक्त अधिवेशनमा करिब चारसय पत्रकारहरूबाट नेतृत्व छानिने छन् ।
