काठमाडौं- नेपाली कांग्रेसका सभापति शेरबहादुर देउवाले आज आफ्नाे निवास बुढानिलकण्ठमा पार्टी पदाधिकारी बैठक राखेपछि वरिष्ठ नेता रामचन्द्र पौडेलले पनि आफ्नाे पक्षका नेताहरूको भेला गरेको छ ।
महामन्त्री शशांक कोइराला निवास महाराजगञ्जमा पौडेलले नेताहरूकाे भेला गरेका हुन् । सभापति देउवाले आज अपरान्ह ३ बजे पार्टी पदाधिकारी बैठक राखेका छन् ।
भेलामा महामन्त्री कोइराला, पूर्वमहामन्त्री प्रकाशमान सिंहलगायत उपस्थित थिए ।
भेलाले प्रधानमन्त्री केपी शर्मा ओलीले संविधानविपरित काम गर्दै आइरहेकाले कांग्रेसले कडा ढंगले विरोध गरेर जानुपर्ने निष्कर्ष निकालेको महामन्त्री कोइरालाका स्वकीय सचिव भरत तिवारीले जानकारी दिए ।
प्रतिक्रिया दिनुहोस्
