काठमाडौं- फिल्म ‘ए साथी सुन’ को छायांकन सुरु भएको छ । मंगलबार हेटौंडाबाट फिल्मको छायांकन सुरु भएको हो ।
अभिनेत्री वर्षा शिवाकोटीको मुख्य अभिनय रहने फिल्मले साथी-साथीबीचको सम्बन्धको कथालाई प्रस्तुत गर्नेछ ।
राम राघव आर्चयको डेब्यु निर्देशनमा फिल्म निर्माण भइरहेको छ । वर्षाको अपोजिटमा रमेश बानियाँ देखिदै छन् । रमेश पनि यहि फिल्मबाट अभिनेताको रुपमा डेब्यु गर्दैछन् ।
इभान इन्टरटेन्मेन्टको ब्यानरमा बिना कार्कीले फिल्म निर्माण गर्न लागेकी हुन् ।
फिल्ममा जयनन्द लामा, सुशील पोखरेल, रमेश अधिकारी, प्रतीक्षा शाह चन्द, सुभाष शाह लगायतका कलाकारहरूको पनि अभिनय रहने छ ।
फिल्मको हेटौंडा साथै वीरगञ्जमा पनि छायांकन हुनेछ ।
प्रतिक्रिया दिनुहोस्
