सिन्धुली- सिन्धुलीमाडीबाट बाँसकटेरीतर्फ गइरहेको बोलेरो जीप दुर्घटना हुँदा चार जनाको ज्यान गएको छ । कमलामाई नगरपालिकामा भएको सो दुर्घटनामा अन्य आठ जना घाइते भएका छन् ।
मृत्यु हुनेमा कमलामाई नगरपालिका-४ बाँसकटेरीका ६५ वर्षका रुद्रबहादुर थापा, १८ वर्षीया रीता स्माइली, १८ वर्षीया दुर्गा श्रेष्ठ र उनका २ वर्षीय छोरा मनिष रहेका छन् । बोलेरो चालकको अवस्था गम्भिर रहेकाले उनको काठमाडौंमा उपचार भइरहेको छ ।
मंगलबार कमलामाई नगरपालिका-७, करमडाँडामा घुम्तीमा मोड्न खोज्दा जीप पछाडि सरेर भिरबाट करिब ५० मिटर तल खसेको हो । घटनाबारे थप अनुसन्धान भइरहेको प्रहरीले जनाएको छ ।
प्रतिक्रिया दिनुहोस्
