काठमाडौं- काठमाडौंको मूलपानीमा मिनी ट्रकले मोटरसाइकललाई ठक्कर दिँदा एकजनाको मृत्यु भएको छ ।
प्रहरीकाअनुसार भक्तपुर सडकखण्डअन्तर्गत मूलपानी–६ मा बा५ख १८२ नम्बरको मिनी ट्रकले प्रदेश ३–०२–०१२ प ५८४२ नम्बरको मोटरसाइकललाई मंगलबार साँझ ठक्कर दिएको हो ।
ठक्करबाट काठमाडौं महानगरपालिका–६ घर भई चाँगुनारायण बस्ने गरेका २७ वर्षीय सुरज कुईंकेलको मृत्यु भएको हो ।
नेपाल मेडिकल कलेज (जोरपाटी) मा मा मंगलबार साँझ नै मृत्यु भएको प्रहरीले जनाएको छ ।
ठक्कर दिने ट्रक र चालकलाई महानगरीय प्रहरी वृत्त (बौद्ध) ले नियन्त्रणमा लिएको छ।
प्रतिक्रिया दिनुहोस्
