काठमाडौं- प्रधानमन्त्री एवम् एमाले अध्यक्ष केपी ओलीका विश्वासपात्र एवम् एमाले नेता गोकुल बाँस्कोटाले माधव नेपाल पक्षले खेलिरहेको खेल चेस नभई लुडो भएको बताएका छन् ।
सामाजिक संजाल फेसबुकमा लेख्दै बाँस्कोटाले एमालेको खेतबारीमा नुन छर्न हिँडेकाहरुको खेल चेस नभई लुडो भएको बताएका हुन् ।
‘एमालेको खेतबारीमा नुन छर्न हिडेकाहरुले खेलिरहेको खेल चेस हैन लुडो हो । गन्तव्य भुलेर चौबाटोमा ठिङ्ग उभिएको यात्री नबन साथी हो । हाम्रो त सुझाव हो के रे ? नमाने पनि केही छैन’, उनले भने ।
बाँस्कोटाले एमालेको माधव नेपाल पक्षको नाम नलिई उनीहरुलाई व्यंग्य गर्दै फेसबुकमा लेखेका छन् ।
प्रतिक्रिया दिनुहोस्
