काठमाडौं- साझा एजेन्डा तय गर्न नेपाली कांग्रेसले पदाधिकारी र पूर्वपदाधिकारीको बैठक बोलाएको छ ।
सभापति शेरबहादुर देउवाले सोमबार दिउँसो २ बजे पार्टी केन्द्रीय कार्यालय सानेपामा बैठक बोलाएका हुन् ।
सभापति देउवाका स्वकीय सचिव भानु देउवाका अनुसार मुलुकमा विकसित पछिल्लो राजनीतिक घटनाक्रमका बारेमा छलफल हुनेछ ।
आइतबार वरिष्ठ नेता रामचन्द्र पौडेलले आफू पक्षीय पदाधिकारीसँग छलफल गरेका थिए ।
बैठकमा राख्नका लागि आफ्नो पक्षको रणनीति बनाउन छलफल गरिएको नेताहरुले बताएका थिए ।
प्रतिक्रिया दिनुहोस्
