काठमाडौं- पछिल्लो २४ घण्टामा एक सय ८८ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयकाअनुसार पछिल्लो २४ घण्टामा चार हजार ३२ जनाको पिसिआर परीक्षण गर्दा सो संख्यामा कोरोना संक्रमण देखिएको हो ।
यस अवधिमा ७७ जना संक्रमित कोरोनामुक्त भएका छन् । हाल कोरोना संक्रिय संक्रमितको संख्या एक हजार १ सय २८ रहेको छ ।
नेपालमा अहिलेसम्म दुई लाख ७६ हजार २ सय ४४ जनामा कोरोना पुष्टि भएको छ । जसमध्ये दुई लाख ७२ हजार ९७ जना कोरोना संक्रमणमुक्त भएका छन् ।
कोरोना निको हुने दर ९८.५ प्रतिशत रहेको छ । यसैगरी तीन हजार १९ जनाको कोरोनाले मृत्यु भएको छ ।
प्रतिक्रिया दिनुहोस्
