काठमाडौं- राष्ट्रपति विद्यादेवी भण्डारीले फागुपूर्णिमाले आपसी मेलमिलाप र सद्भावनाको सन्देश दिने हुँदा यो पर्वको विशिष्ठ महत्व रहेको बताएकी छन् ।
फागुपूर्णिमाको अवसरमा आइतबार एक सन्देश जारी गर्दै राष्ट्रपति भण्डारीले स्वदेश तथा विदेशमा रहेका सम्पूर्ण नेपालीहरुमा सुख, शान्ति, आरोग्य एवम् समृद्धिका कामना गर्दै होलीले आत्मियता र बन्धुत्वको भावना अभिवृद्धि गर्ने धारणा राखेकी छन् ।
उनले सन्देशमा कोभिड-१९ को महामारी टरिनसकेको अवस्थामा पूर्ण सवधानीका उपायहरू अपनाएर फागुपूर्णिमा पर्व मनाउन समेत अनुरोध गरेकी छन् ।
उनले होली पर्वले खराब प्रवृत्तिमाथि सत्यको विजय अवश्यम्भावी हुने सन्देश प्रवाह गर्ने र लोक संस्कृतिको प्रवर्द्धन गर्न उत्प्रेरण प्रदान गर्ने सन्देशमा उल्लेख गरेकी छन् ।
प्रतिक्रिया दिनुहोस्
