काठमाडौं- मन्त्रिपिरिषदको आकस्मिक बैठक सकिएको छ ।
बिहीबार प्रधानमन्त्री केपी शर्मा ओलीको व्यस्तताका कारण बैठक बस्न नसकेपछि शुक्रबार बिहान बैठक बसेको एक मन्त्रीले बताए ।
बैठकले विज्ञापन बोर्डको अध्यक्षमा लक्ष्मण हुमागाईंलाई नियुक्त गरेको ती मन्त्रीले जानकारी दिए ।
बोर्डको अध्यक्षका लागि हुमागाईंसहित लेखनाथ शर्मा पंगेनी र रमेशकुमार खड्काले आवेदन दिएकोमा सरकारले हुमागाईंलाई नियुक्त गरेको हो ।
त्यस्तै बैठकले राष्ट्रपति चुरे-तराई मधेस संरक्षण विकास समितिमा पनि पदाधिकारी नियुक्ति गरेको छ ।
सरकारले समितिको अध्यक्षमा डा. किरण पौडेल र सदस्यहरूमा पूर्व जर्नेल बाबुकृष्ण कार्की, डा. सुस्मिता ढकाल, शशी शर्मा र भेषराज आचार्य बरुणलाई नियुक्त गरेको ती मन्त्रीले जानकारी दिए ।
प्रतिक्रिया दिनुहोस्
