काठमाडौं– नेकपा एमालेका उपाध्यक्ष भीम रावलले एमालेका अवैध अध्यक्ष केपी ओली गरेको कारबाहीको कुनै अर्थ नभएको बताएका छन् ।
एमालेको माधव–झलनाथ समूहको स्थायी कमिटी बैठकपछि सञ्चारकमीसँग कुरा गर्दै रावलले केपी ओलीले आफूले आफैलाई अवैध घोषणा गरेको बताए ।
‘एमाले केपी ओलीको पार्टी होइन । उहाँ अवैध अध्यक्ष हो, यो घोषणा उहाँ आफैले गर्नुभएको हो । पार्टीको विधानअनुसार महाधिवेशन आयोजक कमिटी केन्द्रीय कमिटीले गठन गर्ने हो, अध्यक्षले होइन ।’ उनले भने ।
केही दिनअघि अध्यक्ष ओलीले वरिष्ठ नेता माधवकुमार नेपालसहित भीम रावल, घनश्याम भुसाल र सुरेन्द्र पाण्डेलाई ६ महिना पार्टीको साधरण सदस्यसमेत नरहने गरी निलम्बन गर्ने निर्णय गरेका थिए ।
बैठकले नेपालसहितका नेताहरूमाथि कारबाही गर्ने ओलीको निर्णयको भर्त्सना गरेको छ ।
हेर्नुहोस् भिडियो…
प्रतिक्रिया दिनुहोस्
