काठमाडौं- दाङमा यात्रुवाहक बस दुर्घटना हुँदा दुईजनाको ज्यान गएको छ ।
दाङको तुलसीपुरदेखि भालुवाङतर्फ जाँदै गरेको लु- १ ख ९८६३ नं को बस लमही-घोराही सडक खण्डको मुसोटनजिकै शुक्रबार साँझ दुर्घटना हुँदा दुई जनाको ज्यान गएको प्रहरी नायव उपरीक्षक मुकुन्द रिजालले जानकारी दिए ।
सो दुर्घटनामा दुई दर्जनबढी यात्रु घाइते भएकामा ६ गम्भीर घाइते रहेको रिजालले बताए । घाइतेहरुको लमहीकै विभिन्न अस्पतालहरुमा उपचार भइरहेको प्रहरीले जनाएको छ ।
रिजालका अनुसार मृतकको सनाखत हुन सकेको छैन । दुर्घटनाको थप विवरण आउँन बाँकी रहेको प्रहरीले बताएको छ ।
प्रतिक्रिया दिनुहोस्
