काठमाडौं । फिल्म कबड्डी-४ का लागि अभिनेत्रीहरु फाइनल भएका छन् । रामबाबु गुरुङ निर्देशित फिल्मका लागि अभिनेत्री मिरुना मगर र गौमाया यात्री फाइनल भएका हुन् ।
गौमाया यहि फिल्म मार्फत डेब्यु गर्दैछिन् भने उनि चर्चित भ्लगर हुन् । मिरुना फिल्ममा भित्रिएसँगै उक्त फिल्मबाट अभिनेत्री अपासनासिंह ठकुरीको भने पत्ता काटिएको छ ।
मिरुना र गौमाया फिल्मका लागि लण्डनबाट नेपाल आइसकेका छन् भने उनीहरू यतिखेर क्वारेन्टिनमा बसिरहेको बताइएको छ ।
वैशाखको पहिलो साताबाट छायांकन थालिने फिल्ममा दयाहाङ राई, सौगात मल्ल, विजय बराल लगायतका कलाकारहरू भने फाइनल भइसकेका छन् ।
कबड्डी-४ सिरिजको यो अन्तिम फिल्म भनिएको छ । जसकारण कबड्डी-४ः द फाइनल म्याच फिल्मको नाम राखिएको छ ।
प्रतिक्रिया दिनुहोस्
