काठमाडौं । नेपाली फिल्मका नायक नायिकामा पछिल्लो समय म्युजिक भिडियोको क्रेज राम्रै रहेको पाइन्छ । छिटो काम सकिने र राम्रै दाम पाइने भएपछि क्रेज बढ्नु स्वभाविक हो ।
तर कतिपय यस्ता नायक नायिका पनि छन्, जो खासै म्युजिक भिडियोमा अभिनय गर्न रुचाउँदैनन् ।
अभिनेता प्रदिप खड्कालाई म्युजिक भिडियोमा देख्न मुस्कील छ । फिल्मको काम नहुँदा उनी अन्य काम गरेर समय बिताउँछन् । तर म्युजिक भिडियोमा अभिनय गर्दैनन् । उनलाई म्युजिक भिडियोमा लिन धेरैले प्रयास गरे ।
त्यस्तै अर्का अभिनेता अनमोल के.सी पनि म्युजिक भिडियोबाट टाढा छन् । फिल्मलाई लिएर त चुजी रहेका अनमोलले म्युजिक भिडियो गर्ने कुरै भएन ।
अभिनेत्री साम्राज्ञी राज्यलक्ष्मी शाह पनि म्युजिक भिडियोमा अभिनय गर्न रुचाउँदिनन् ।
उनले आफ्नी आमाको केही गीतमा अभिनय गरे पनि अन्य गीतमा भने खासै अभिनय गरेको देखिएको छैन ।
त्यस्तै अभिनेत्री सृष्टि श्रेष्ठ पनि निकै कम म्युजिक भिडियोमा देखा पर्छिन् ।
त्यस्तै अभिनेता धिरज मगर पनि म्युजिक भिडियोमा देखिदैनन् । उनले तीन वर्षको अवधिमा एउटा मात्रै फिल्ममा अभिनय गरेका छन् ।
