काठमाडौं- प्रमुख प्रतिपक्षी नेपाली कांग्रेसका सभापति शेरबहादुर देउवाले वरिष्ठ नेता रामचन्द्र पौडेललाई झपारेका छन् ।
काठमाडौंमा आयोजित नेपाल निजामती कर्मचारी युनियनको केन्द्रीय समितिद्वारा आयोजित राष्ट्रिय भेला तथा विधान अधिवेशन कार्यक्रममा देउवाले पौडेललाई झपारेका हुन् । कार्यक्रममा मन्तव्य राखेको विषयमा देउवाले पौडेललाई झपारेको हुनसक्ने देखिएको छ ।
पौडेलपछि बोलेका देउवाको अभिव्यक्तिलाई खण्डन गर्दै कांग्रेसले अहिले चुनावको कुरामात्र गर्नु उपयुक्त नहुने पौडेलको भनाइमाथि देउवाले आपत्ति जनाए । कार्यक्रमको ड्यासमा मन्तव्य राखेर आशनग्रहणतर्फ अघि बढेका पौडेललाई देउवाले बीचमै रोकेर पार्टीबारे दुईथरि किन कुरा गरेको भन्दै प्रश्न गरेका हुन् ।
कांग्रेसभित्र देउवा चुनावमा जानुपर्ने अडानमा छन् भने पौडेल ओली सरकार ढालेर पार्टीकै नेतृत्वमा नयाँ सरकार बनाउनुपर्ने पक्षमा छन् ।
