जनकपुरधाम- सिरहामा गोली हानी सुनचाँदी व्यवसायीको हत्या भएको छ ।
शनिबार राति करिब पौने १ बजेको समया लहान नगरपालिका–२३ गढिया चौकमा रहेको सुनचाँदी पसलमा लुटपाट गर्न आएको समूहले वडा नम्बर २२ सिसबोनिका ४५ प्रदीप मिझारको गोली हानी हत्या गरेको सिरहा प्रहरी कार्यालयले जनाएको छ ।
मिझारकी श्रीमती अन्दाजी ३५ वर्षीया अनिता कुमारी दुलाल समेत घाइते भएको र उनको उपचार लहान स्थित सप्तऋषि अस्पतालमा भइरहेको प्रहरीले जनाएको छ ।
फलामको हम्मर र फलामको छिनोले ढोका फोरेर भित्र प्रवेश गरेको ६-७ जनाको समूहले चोरी तथा लुटपाट गर्न लाग्दा त्यसको प्रतिकार गरेका मिझारको हत्या भएको हो ।
घटनामा संलग्न रहेको अभियोगमा प्रहरीले दुईजनालाई नियन्त्रणमा लिएको छ ।
लहान नगरपालिका वडा नं.७ का २६ वर्षीय रामकृष्ण चौधरीलाई घटना स्थलबाटै फलामको छिनोसहित प्रहरीले नियन्त्रणमा लिएको छ ।
त्यस्तै लहान नगरपालिका वडा नं.२३ गढियाका २९ वर्षीय सूर्य सहनीलाई समेत पक्राउ गरिएको सिरहा प्रहरीले जनाएको छ ।
