बुटवल- पाल्पामा कोरोना संक्रमित बिरामीको मृत्यु भएको छ ।
कोरोना संक्रमणपछि उपचारको लागि लुम्बिनी मेडिकल कलेजमा भर्ना भएकी तानसेन नगरपालिका वडा नं ३ की ७२ वर्षिय महिलाको सनिबार मृत्यु भएको जिल्ला स्वास्थ्य कार्यालय पाल्पाले जनाएको छ ।
मृतक महिला पाल्पास्थित विद्यालयकी पूर्वप्रधानाध्यापक समेत हुन् ।
घरमै आराम गरेकी उनलाई श्वासप्रश्वासमा समस्या देखिएपछि उपचारका लागि लुम्बिनी मेडिकल कलेजमा भर्ना गरिएको थियो ।
उनको शनिबार बेलुका निधन भएको स्वास्थ्य कार्यालय पाल्पाका निमित्त प्रमुख विश्वनाथ न्यौपानेले जानकारी दिए ।
यो सँगै पाल्पामा मृत्यु हुने कोरोना संक्रमितको संख्या ३८ पुगेको छ ।
प्रतिक्रिया दिनुहोस्
