जनकपुर- प्रदेश नम्बर २ मा नेकपा माओवादी केन्द्रले आफ्ना चारजना प्रदेशसभा सदस्यलाई बर्खास्त गरेको छ ।
नेकपा एमालेमा लागेका प्रदेशसभा सदस्यहरू रामचन्द्र मण्डल, ज्वाला साह, कुन्दनप्रसाद कुशवाहा र मोहम्मद समीरलाई माओवादी केन्द्रले कारबाहीस्वरुप बर्खास्त गरेको हो ।
उनीहरूमाथि कारबाही गरिएको पत्र माओवादी केन्द्रले प्रदेशसभामा बुझाइसकेको छ । कारबाही गर्नुअघि उनीहरूसँग पार्टीले स्पष्टीकरण सोधेको थियो ।
तर स्पष्टीकरणको जवाफ नदिएका कारण उनीहरूलाई बर्खास्त गर्न प्रदेशसभा सचिवालयमा प्रक्रिया अघि बढाइएको संसदीय दलका नेता भरत साहले जानकारी दिए ।
प्रतिक्रिया दिनुहोस्
