काठमाडौं- नेपाली कांग्रेसको केन्द्रीय कार्यसमिति बैठक वैशाख ५ गते बस्ने भएको छ ।
पार्टी मुख्यसचिव कृष्णप्रसाद पौडेलले एक विज्ञप्ति जारी गर्दै आज स्थगित बैठक अब वैशाख ५ गते दिउँसो २ बजे बस्ने बताएका छन् ।
वरिष्ठ नेता रामचन्द्र पौडेलका भाइको निधन भएपछि आज बस्ने केन्द्रीय समिति बैठक स्थगित भएको थियो ।
कांग्रेसले १४ औं महाधिवेशनको कार्यतालिका तथा क्रियाशील सदस्यता वितरण र नवीकरणका काम गर्न समय थप गर्न केन्द्रीय समिति बैठक बोलाएको हो ।
प्रतिक्रिया दिनुहोस्
