इंलिस प्रिमियर लिग फुटबलमा गएराति सम्मपन्न एक मात्र खेलमा लिभरपुल लिड्स युनाइटेडसँग बराबरीमा रोकिएको छ। शीर्ष चारभित्र पर्नकै लागि संघर्षरत डिफेन्डिङ च्याम्पियन लिभरपुलका लागि साडियो मानेले गोल गर्दै अग्रता दिलाएका थिए।
तर डिएगो लोरेन्टोले खेलको अन्त्यतिर गोल फर्काउँदा लिड्स अंक खोस्न सक्षम भयो।
लिभरपुल ३२ खेलबाट ५३ अंक बनाई छैटाैं स्थानमा छ भने लिड्स समान खेलबाट ४६ अंकसहित १० औं स्थानमा छ।
युरोपियन सुपर लिगको घोषणापछि खेलिएको उक्त खेलका दौरान समर्थकहरुले प्रस्तावित सुपर लिगको विरोध गरेका छन्। लिड्स युनाइटेडका समर्थकहरुले इंङल्यान्ड ६ क्लबका मालिकहरु स्वार्थी बनेको आरोप लगाए।
यता, लिभरपुलका प्रशिक्षक योर्गान क्लोप पनि सुपर लिगको विपक्षमा देखिएका छन्, यद्यपि तत्कालै क्लबबाट राजीनामा दिने योजनामा भने उनी छैनन्।
प्रतिक्रिया दिनुहोस्
