काठमाडाैं – प्रधानमन्त्री तथा नेकपा एमाले अध्यक्ष केपी शर्मा ओलीले पार्टीभित्रका गुटगत गतिविधिलाई कुनै पनि हालतमा मान्यता नदिने बताएका छन्।
नेपाल कम्युनिस्ट पार्टी स्थापना तथा लेनिन जयन्तीका अवसरमा बल्खुमा पार्टी कार्यालय शिलान्यास क्रममा ओलीले नेताहरूलाई सम्झाउने बुझाउने प्रयास गरिरहेको बताए। यसलाई कमजोरीका रूपमा नलिन पनि उनले चेतावनी पनि दिए।
ओलीले भने, ‘पार्टी अनुशासित बनाउनुपर्छ, अनुशासनहीनतासँग सम्झौता गर्न सक्दैनौं। गुटगत गतिविधिलाई अब मान्यता दिन सक्दैनौं।’
माधव नेपाललाई अनुशासित भएर पार्टीमा आउन अनुरोध गरेका ओलीले अहिले पनि उनीहरूलाई सम्झाउने प्रयास भइरहेको बताए।
प्रतिक्रिया दिनुहोस्
