ताप्लेजुङमा एक शिक्षकको गोली हानी हत्या भएको छ।
जालपादेवी आधारभूत विद्यालयका शिक्षक खड्गबहादुर लिम्बूको हत्या भएको प्रहरीले जनाएको छ।
बिहीबार साँझ करिब साढे पाँच बजे मेरिङदेन गाउँपालिका–२ सान्थाक्राका प्रताप भनिने आकाश लिम्बूले आँगनमा निस्किएको समयमा शिक्षक खड्गलाई गोली प्रहार गरेका प्रहरीले बताएको छ।
गोली हानी हत्या गरेको आरोपमा आकाशलाई नियन्त्रणमा लिइएको प्रहरी निरीक्षक पोखरेलले बताए। शव पोष्टमार्टमका लागि जिल्ला अस्पताल ताप्लेजुङ राखिएको छ।
घटनामा प्रयोग भएको भरुवा बन्दुकसमेत बरामद गरिएको प्रहरीले बताएको छ।
प्रतिक्रिया दिनुहोस्
