काठमाडाैं – सलमान खानको बहुप्रतीक्षित फिल्म ‘राधे योर मोस्ट वान्टेड भाइ’ को ट्रेलर सार्वजनिक भएको छ। फिल्म यसै वर्षको इदमा आउनेछ।
ट्रेलरलाई सामाजिक सञ्जालमा निकै रुचाइएको छ। धेरैले यसमा लाइक तथा कमेन्ट गरेका छन्।
अभिनेता खानले फिल्म ट्रेलर सामाजिक सञ्जालमा सेयर गरेका छन्। फिल्मलाई प्रभु देवाले निर्देशन गरेका छन्। यसअघि सार्वजनिक पोस्टरमा सलमानलाई ग्याङ स्टारको रूपमा देखाइएको थियो। तर फिल्मा उनको भूमिका एक प्रहरी अधिकृतको छ।
फिल्म सोहिल खान प्रोडक्सनमा बनेको छ। सलमानका अलावा ज्यकी श्राफ, रणदीप होडा मुख्य कलाकार छन्। यसअघि सलमान फिल्म ‘वान्टेड’ मा पनि राधेको भूमिकामा देखिएका थिए, जसलाई दर्शकले अत्यन्तै रुचाएका थिए।
प्रतिक्रिया दिनुहोस्
