फुङ्गलिङ- नेपाली कांग्रेसका फुङ्गलिङ नगर सभापति शिवकुमार गुरुङको आज कोरोना संक्रमणले निधन भएको छ ।
निमोनिया भएपछि उपचारका क्रममा आज बिहान ९:०० बजे बिएन्डसि हस्पिटल बिर्तामोडमा मृत्यु भएको पारिवारिक स्रोतले बताएको छ ।
पिसिआर परीक्षणमा ढिलाइ हुँदा संक्रमितको मृत्युपछि मात्रै कोरोना संक्रमण पुष्टि भएको जिल्ला प्रशासन कार्यालय ताप्लेजुङका प्रमुख जिल्ला अधिकारी उमेश पाण्डेले जानकारी दिए ।
गुरुङको शवलाई झापामै अन्त्यष्टि गर्न आग्रहसमेत गरिएको उनले बताए । उनकाअनुसार आफन्तले गुरुङको शव ताप्लेजुङ नै ल्याउने प्रयत्न गरिएको हो ।
प्रजिअ पाण्डेकाअनुसार शवलाई झापामै अन्त्यष्टि गर्नका निम्ति प्रजिअलगायत अन्य सरोकारवालासँग समन्वय भइरहेको छ ।
प्रतिक्रिया दिनुहोस्
