काठमाडौं- नेपालमा पछिल्लो २४ घण्टामा थप ३ हजार ५ सय ५६ जनामा कोरोना भाइरसको संक्रमण पुष्टि भएको छ ।
स्वास्थ्य तथा जनसंख्या मन्त्रालयले साेमबार दिएको जानकारीअनुसार थप १२ जना कोरोना संक्रमितको मृत्यु भएको छ । यससँगै हालसम्म कोरोनाबाट ज्यान गुमाउनेको संख्या ३ हजार १ सय ७६ पुगेको छ ।
यस्तै काठमाडौं उपत्यकामा थप १ हजार ९ सय १२ जनामा संक्रमण पुष्टि भएको छ । काठमाडौंका १५ सय ६७, ललितपुरका २ सय २३ तथा भक्तपुरका १ सय २२ जनामा संक्रमण पुष्टि भएको हो ।
पछिल्लो २४ घण्टामा थप ३ सय ७८ जना कोरोना संक्रमित निको भएको स्वास्थ्य मन्त्रालयले जनाएको छ ।
मन्त्रालयका अनुसार हाल देशभर २२ हजार ४ सय ३४ जना सक्रिय संक्रमित रहेका छन् । गत २४ घण्टामा १२ हजार ४ सय पीसीआर तथा ८ सय ९३ एन्टिजेन परीक्षण भएको छ ।
प्रतिक्रिया दिनुहोस्
