चितवन- पूर्वप्रधानमन्त्री एवम् नेपाल कम्युनिस्ट पार्टी एमालेका नेता माधव नेपालले आफू पार्टीलाई बलियो बनाउने अभियानमा लागेको बताएका छन् ।
सोमबार पत्रकारहरुसँग कुराकानी गर्दै उनले आफूलाई पार्टी फुटाउन खोजेको आरोप लगाइएको बताए ।
आफूहरु पार्टीलाई बलियो बनाउने अभियानमा लागेको बताउँदै उनले भने, ‘हामी पार्टी बलियो बनाउने अभियानमा जुटेका छौँ । पार्टी फुटाउन खोज्यो भन्नुहुन्छ बा ।’
अर्को पार्टी बनाएको आरोपको खण्डन गर्दै उनले थपे, ‘कहाँबाट पार्टी फुटाउनु । हामी यो पार्टीका कार्यकर्तालाई लाखापाखा हुन दिँदैनौं । एकताबद्ध बनाउँछौं । सही विचारको पक्षमा उभिने बनाउँछौं ।’
प्रधानमन्त्री एवं पार्टी अध्यक्ष केपी शर्मा ओलीले पार्टीलाई एकताबद्ध बनाउनुपर्ने उनको भनाइ थियो ।
प्रतिक्रिया दिनुहोस्
