च्याम्पियन्स लिगअन्तर्गत सेमिफाइनल खेलको पहिलो लेगमा सर्वाधिन विजेता रियल म्याड्रिड चेल्सीसँग १-१ को बराबरीमा रोकिएको छ।
खेलमा क्रिस्टियन पुलासिकले खेलको १४औ मिनेटमा गोल गर्दै चेल्सीले सुरुवाती अग्रता दिलाएका थिए। तर करिम बेन्जमाले २९औ मिनेटमा गोल फर्काएपछि रियल म्याड्रिड बराबरी गर्न सफल भएको थियो।
यो खेलपछि चेल्सीलाई अवे गोलको फाइदा हुने भएको छ। अब चेल्सीले घरेलु मैदानमा हुने दोस्रो सेमिफाइनलमा रियललाई पराजित गरेमा यस गोलरहित बराबरी गरेमा च्याम्पियन्स लिगको फाइनलमा पुग्ने छ।
सेमिफाइनलको दोस्रो लिग मे ६ मा खेल्ने तालिका छ। च्याम्पियन्स लिगको दोस्रो सेमिफाइनलको पहिलो लिगमा आज राति पिएसजी र म्यानचेस्टर सिटी भिड्दै छन्।
प्रतिक्रिया दिनुहोस्
