काठमाडौं- नेपालमा पछिल्लो समय कोरोना भाइरसका संक्रमित बढेका छन् । कोरोना ग्राफ उकालो लाग्ने क्रमम पछिल्लो २४ घण्टामा ४ हजार ८ सय ९७ जना संक्रमित थपिएका छन् ।
स्वास्थ्य तथा जनसंख्या मन्त्रालयले दिएको जानकारीअनुसार १३ हजार ८ सय ७९ जनाको पीसीआर र ९५५ जनाको एन्टिजेन परीक्षण गर्दा क्रमशः ४ हजार ७ सय ७४ र १ सय २३ जनामा संक्रमण पुष्टि भएको हो ।
योसँग नेपालमा सक्रिय संक्रमितको संख्या ३० हजार २०९ पुगेको छ ।
गत २४ घण्टा ७७३ जना निको भएका छन् ।
मन्त्रालयकाअनुसार काठमाडौं उपत्यकामा थप २ हजार ४७ जना संक्रमित थपिएका छन् ।
काठमाडौंमा १ हजार ४ सय ६४, ललितपुरमा ३५१ र भक्तपुरमा २४७ जना संक्रमित थपिएको स्वास्थ्य मन्त्रालयले जनाएको छ ।
प्रतिक्रिया दिनुहोस्
