काठमाडाैं : युईएफए च्याम्पियन्स लिगको दोस्रो सेमिफाइनलको पहिलो लेगमा म्यानचेस्टर सिटीले पिएसजी उसकै मैदानमा हराएको छ।
गएराति सिटीले एक गोलले पछि परेको अवस्थामा उत्कृष्ट पुनरगमन गर्दै पिएसजीलाई २–१ गोल अन्तरले पराजित गरेको हो।
सिटीको जितमा केभिन डी ब्रुने र रियाद महरेजले एक एक गोल गरेका थिए।
पिएसजीका ब्राजिलियन डिफेन्डर मार्कवेन्होजले एक गोल गरेका थिए। पिएसजीले खेलको १६औँ मिनेटमा गोल गरेर पहिलो हाफमा १–० को अग्रता लिएपनि म्यानचेस्टर सिटीले दोस्रो हाममा कमब्याक गरेको हो। सिटीका लागि ब्रुनेले खेलको ६४औ मिनेट र महरेजले खेलको ७१औ मिनेटमा गोल गरे।
स्तै खेलको ७७औ मिनेटमा पिएसजीका इद्रिसा गुएयेले रातो कार्ड पाएपछि पिएसजी १० खेलाडीमा सीमित भएको थियो। योसँगै अब सेमिफाइनलको दोस्रो लिग मे ५ मा म्यान्चेस्टर सिटीको घरेलु मैदानमा हुने छ।
त्यस्तै यस अघि सम्पन्न पहिलो सेमिफाइनलको पहिलो लिगमा भने रियल म्याड्रिड र चेल्सी १–१ गोलको बराबरी खेलेका छन्।
