काठमाडौं- नेपालमा पछिल्लो २४ घण्टामा थप ४ हजार ९ सय २८ जनामा कोरोना भाइरसको संक्रमण पुष्टि भएको छ ।
पछिल्लो २४ घण्टामा कोरोनाबाट थप ३५ जनाको मृत्यु भएको छ । यससँगै कोरोनाबाट ज्यान गुमाउनेको संख्या ३ हजार २ सय ४६ पुगेको छ ।
मन्त्रालयका अनुसार काठमाडौं उपत्यकामा थप १ हजार ५ सय ६१ जना संक्रमित थपिएका छन् ।
काठमाडौंमा १ हजार १ सय २७, ललितपुरमा २५२ र भक्तपुरमा १८२ जना संक्रमित थपिएको स्वास्थ्य मन्त्रालयले जनाएको छ ।
गत २४ घण्टामा ८ सय ८८ जना निकाे भएका छन् । देशभर सक्रिय संक्रमितको संख्या ३४ हजार ११७ पुगेको छ ।
यसैगरी देशभर पछिल्लो २४ घण्टामा १२ हजार ५ सय ९७ पीसीआर तथा ९६३ एन्टिजेन परीक्षण भएको छ ।
प्रतिक्रिया दिनुहोस्
