काठमाडाैं- मोरङ उर्लाबारी नगरपालिकाका मेयर खड्गबहादुर फागोविरुद्ध जिल्ला सरकारी वकिल कार्यालय मोरङमा अभद्र व्यवहारमा जाहेरी दर्ता भएको छ ।
मेयर र उनका उनका भतिजो दुर्गालाई प्रतिवादी बनाएर उर्लाबारी-९ का टंकबहादुर बस्नेतले जाहेरी दिएका हुन् ।
उर्लाबारी-५ घर भएका नगर प्रमुख खड्गबहादुर फागो र उनका भतितज दुर्गाले गत चैत ३० गते नगरपालिका परिसरमै बस्नेतलाई निर्घात कुटपिट गरेका थिए ।
‘उर्लाबारी-५ का विष्णुप्रसाद भण्डारीको रोकिएको टहरा संरचनाको विषयमा सहजीकरण गर्न नगरपालिका पुगेका बेला भण्डारीलाई मेयरसहितको टिमले नगरपालिका कार्यालयमा नै कुटपिट गरेको दाबी गदै आएका छन् ।
तर पीडित भनिएका भण्डारीविरुद्ध नै उल्टै मेयर फागोले इलाका प्रहरी कर्याालय उर्लाबारीमा अभद्र व्यवहारमा मुद्दा चलाएका थिए ।
चौध दिन हिरासतमा बसी तीन हजार धरौटीमा छुटे लगतै बस्नेतले मेयर फागो र उनका भतिजोलाई उस्तै कसुरमा जाहेरी दिएका हुन् ।
इलाका प्रहरी कार्यालय उर्लाबारीले फागोका काकाभतिजविरुद्ध जाहेरी नलिएपछि सरकारी वकिल कार्यालयमार्फत जाहेरी दरखास्त दिएको पीडित बस्नेतले बताए ।
