काठमाडौं- नेपालमा पछिल्लो २४ घण्टामा थप ५ हजार ७ सय २७ जनामा कोरोना भाइरसको संक्रमण पुष्टि भएको छ ।
यसै अवधिमा कोरोनाबाट थप ३३ जनाको मृत्यु भएको छ । यससँगै कोरोनाबाट ज्यान गुमाउनेको संख्या ३ हजार २ सय ७९ पुगेको छ ।
स्वास्थ्य मन्त्रालयकाअनुसार काठमाडौं उपत्यकामा मात्रै २ हजार ९ सय ५६ जना संक्रमित थपिएका छन् ।
काठमाडौंमा २४ सय ०४, ललितपुरमा ४ सय १९ र भक्तपुरमा १ सय ३३ जना संक्रमित थपिएको स्वास्थ्य मन्त्रालयले जनाएको छ ।
गत २४ घण्टामा ९ सय २८ जना निको भएका छन् । देशभर सक्रिय संक्रमितको संख्या ३८ हजार ८१३ पुगेको छ ।
यसैगरी देशभर पछिल्लो २४ घण्टामा १५ हजार ३ सय ९१ पीसीआर तथा ५ सय २५ एन्टिजेन परीक्षण भएको छ ।
प्रतिक्रिया दिनुहोस्
