काठमाडौं- सत्तारुढ नेकपा एमालेको स्थायी कमिटिको बैठक सम्पन्न भएको छ । प्रधानमन्त्रीको सरकारी निवास बालुवाटारमा बैठक सम्पन्न भएको हो ।
प्रधानमन्त्रीसमेत रहेका पार्टी अध्यक्ष केपी शर्मा ओलीको अध्यक्षतामा बसेको बैठकले कोरोना नियन्त्रणका लागि सरकारको ध्यानाकर्षण गराउने निर्णय गरेको छ ।
बैठकपछि पार्टीले जारी गरेको विज्ञप्तिमा भनिएकाे छ, ‘बैठकले कोभिड बिरामीहरुको उपचारका लागि आवश्यक पूर्वाधार, शैय्याहरु, उपकरण, खोप, अक्सिजन तथा अत्यावश्यक औषधिको तत्काल थप प्रवन्ध गर्न र अन्य तयारी तीव्रताका साथ अगाडि बढाउन सरकारको ध्यानाकर्षण गराउने निर्णय गरेको छ ।,’
साथै पार्टीको सबै कमिटीलाई कोभिडविरुद्धको लडाइँ लड्न पनि नेतृत्वले निर्देशन दिएको छ ।
प्रतिक्रिया दिनुहोस्
