काठमाडौं- लुम्बिनी प्रदेशका ४२ जना सांसदले नयाँ सरकारको माग गर्दै प्रदेश प्रमुख धर्मनाथ यादव समक्ष प्रस्ताव पेश गरेका छन् । नेकपा माओवादी केन्द्रका कुलप्रसाद केसीलाई मुख्यमन्त्री बनाउन उनीहरुकाे प्रस्ताव छ ।
शंकर पोखरेललाई मुख्यमन्त्रीका रुपमा शपथ नगराउनसमेत उनीहरुले भनेक छन् । पोखरेलले बहुमत गुमाइसकेकोले उनलाई शपथ गराउन नमिल्ने उनीहरूको तर्क छ ।
आज विहान राजीनामा दिएका पोखरेललाई मध्यान्ह प्रदेश प्रमुख यादवले मुख्यमन्त्रीमा पुनः नियुक्ति गरेका थिए ।
यस अघि नेपाली कांग्रेस, नेकपा माओवादी केन्द्र, जनता समाजवादी पार्टी नेपाल र राष्ट्रिय जनमोर्चाका सांसदले प्रदेश प्रमुखलाई भेटेर पोखरेलले बहुमत गुमाएको जानकारी दिए पनि उनलाई मुख्यमन्त्रीमा नियुक्ति गरिएको थियो ।
प्रतिक्रिया दिनुहोस्
