काठमाडौं- कोरोना भाइरसको संक्रमणबाट बलिउड अभिनेत्री अभिलाषा पाटिलको बुधबार राति मुम्बईमा मृत्यु भएको छ ।
अभिलाषासँगै मराठी सिरियल वाप माणुसमा अभिनय गरेका अभिनेता संजय कुलकर्णीले अभिलाषाको मृत्युको पुष्टि गरेका हुन् । अभिलाषाले नितेश तिवारीको निर्देशनमा बनेको छिछोरे फिल्ममा नर्सको भूमिका निभाएकी थिइन् ।
यसबाहेक अक्षयकुमार, करिना कपुर स्टारर गुड न्युज, वरुण धवन, आलिया भट्ट स्टारर बद्रीनाथकी दुल्हनियाजस्ता फिल्ममा अभिनय गरिसकेकी थिइन् । बलिउडबाहेक मराठी फिल्महरुमा पनि अभिलाषाले अभिनय गरेकी थिइन् ।
प्रतिक्रिया दिनुहोस्
