काठमाडौं- डा.खिमलाल देवकोटाले राष्ट्रियसभा सदस्यको उपनिर्वाचनमा स्वतन्त्र उम्मेदवारी दिएका छन् । बागमती प्रदेशको राजधानी हेटौंडास्थित निर्वाचन आयोगको कार्यालय पुगेर देवकोटाले उम्मेदवारी दर्ता गराएका हुन् ।
उनको प्रस्तावक माओवादी केन्द्र हो भने नेपाली कांग्रेस समर्थक हो । देवकोटाको प्रस्तावमा माओवादी प्रदेशसभा संसदीय दलका नेता शालिकराम जमरकट्टेल छन् भने समर्थक कांग्रेस सांसद राधा घले रहकी छिन् ।
देवकोटाको उम्मेदवारी दर्ताका लागि कांग्रेस संसदीय दलका नेता इन्द्र बानियासहित नेपाल पक्षका नेताहरु नागेन्द्र चौधरी, पुरुषोत्तम पौडेललगायत पनि आयोग कार्यालय गएका थिए ।
प्रतिक्रिया दिनुहोस्
