काठमाडौं- शुक्रबारको तुलनामा आज शनिबार नेपालमा कोरोना भाइरसको संक्रमित संख्या केही मात्रामा घटेको छ । शुक्रबार ९१९६ जनामा संक्रमण पुष्टि भएको थियो ।
स्वास्थ्य मन्त्रालयको तथ्यांकअनुसार (शनिबार) पछिल्लो २४ घण्टामा देशभर कोरोनाबाट ५३ जनाको मृत्यु भएको छ ।
पछिल्लो २४ घण्टामा देशभर ८ हजार ४ सय १८ जना कोरोना संक्रमित थपिएका छन् ।
मन्त्रालयकाअनुसार ८ हजार २ सय ८७ जनामा पीसीआर परीक्षणबाट तथा १३१ जनामा एन्टिजेन परीक्षणबाट संक्रमण पुष्टि भएको हो ।
यसैगरी गत २४ घण्टामा १७ हजार ३१५ जनाको पीसीआर तथा ९८९ जनाको एन्टिजेन परीक्षण गरिएको थियो ।
प्रतिक्रिया दिनुहोस्
