काठमाडौं- नेकपा एमालेको झलनाथ खनाल-माधव नेपाल समूहले अध्यक्ष केपी शर्मा ओलीलाई भोलि सोमबार (वैशाख २७ गते) विहान ९ बजेसम्म पार्टीलाई २०७५ जेठ २ मा फर्काउने प्रतिबद्धता व्यक्त गर्न अल्टिमेटम दिएको छ ।
सो समूहको आइतबार सिंहदरबारमा बसेको सांसदरुको बैठकले विहान ९ बजेसम्म आफ्नो अल्टिमेटम पूरा गरेमा संसदमा विश्वासको मत दिने निर्णय गरेको हो ।
यदि आफूहरुलाई किनारा लगाउने ढंगले अगाडि बढे सोमबार नै कठोर निर्णय गर्ने एक सांसद्ले जानकारी दिए । ९ बजेसम्म ओलीले सम्बोधन नगरे ९ बजे बैठक बसेर राजीनामा वा अन्य कुनै निर्णय लिइने ती नेताको भनाइ छ ।
प्रधानमन्त्री समेत रहेका ओलीले पार्टीको अनुशासन उल्लघंन गरेको भन्दै वरिष्ठ नेता नेपालसहितका नेताहरूलाई कारबाही गरेका छन् । पार्टीको आन्तरिक विवादले एमाले विभाजनको संघारमा छ ।
प्रतिक्रिया दिनुहोस्
