उच्च रक्तचापलाई सन्तुलित राख्छ
नरिवल पानी आफैंमा गुणी फल हो । यससँगै नरिवल पानीले उच्च रक्तचापका बिरामीलाई रामबाण झै काम गर्छ । यसमा पाइने विभिन्न प्रकारका पदार्थले प्रेसरलाई नियन्त्रणमा राख्छ । नरिवलको पानी पिउनाले कोलेस्ट्रोल पनि बढ्दैन ।
मधुमेहका बिरामीका लागि लाभदायक
नरिवल पानीले उच्च रक्तचापलाई मात्र नभई मधुमेहको समस्या भएका व्यक्तिलाई पनि फाइदा गर्छ । नरिवल पानीले रगतमा भएको ग्लुकोजको मात्रालाई नियन्त्रण गर्छ । यसले गर्दा मधुमेह जस्तो रोग लाग्नबाट बचिन्छ ।
रोग प्रतिरोधात्मक क्षमता विकास
नरिवल पानीले हाम्रो रोग प्रतिरक्षा क्षमतालाई बलियो बनाउँछ । रोग प्रतिरोधात्मक क्षमता बलियो भए कुनै पनि किसिमको रोग लाग्न पाउँदैन ।
भाइरल इन्फेक्सन हुन दिदैन
नरिवल पानी नियमित पिउँदा भाइरल इन्फेक्सन हुँदैन । यसमा एन्टिभाइरस र एन्टिब्याक्टेरियल गुण पाइन्छ । यसले कुनै पनि प्रकारको इन्फेक्सन हुन दिँदैन ।
अनिन्द्राको समस्यालाई कम गर्छ
आजभोलि शहरी अस्तव्यस्त जीवनशैलीको कारणले धेरैलाई अनिन्द्राको समस्या हुन्छ । अनिन्द्राको समस्या भएका व्यक्तिले नियमित रूपमा आधा गिलास नरिवल पानी सेवन गरेपछि निन्द्रा पर्छ ।
