काठमाडौं- राष्ट्रिय प्रजातन्त्र पार्टी (राप्रपा) नेपालका अध्यक्ष कमल थापाले अपवित्र गठबन्धन बनाएर सरकार बनाउने संस्कारले प्रजातन्त्र विकृत हुने बताएका छन् ।
नेपाली कांग्रेस, नेकपा माओवादी केन्द्र, जनता समाजवादी पार्टी, नेपाल (जसपा) नयाँ सरकार गठनको कसरतमा लागिरहँदा अध्यक्ष थापाले मंगलबार साँझ उक्त प्रतिक्रिया व्यक्त गरेका हुन् ।
अध्यक्ष थापाले कांग्रेस सभापति शेरबहादुर देउवालाई मेन्सन गर्दै भने, ‘अपवित्र गठबन्धन बनाएर, पार्टी फुटाएर, सांसद किनबेच गरेर सरकार बनाउने गलत संस्कार/अभ्यासले कंग्रेसको भलो गर्दैन, प्रजातन्त्र विकृत हुन्छ ।’
निष्पक्ष चुनावको वातावरण सुनिश्चित गरी ६ महिनाभित्र चुनाव गर्नुपर्ने अध्यक्ष थापाको भनाइ छ । विद्यमान संकटको समाधान नै चुनाव भएको थापाको तर्क छ ।
सम्पूर्ण राष्ट्रिय शक्ति र स्रोत कोरोना महामारीविरुद्ध केन्द्रित गर्न आग्रह गर्दै थापाले राष्ट्रिय संकल्प र प्रयास भयो भने केही महिनाभित्र कोरोनाको कहरबाट देशले मुक्ति पाउन सक्ने पनि ट्वीटरमा उल्लेख गरेका छन् ।
अपवित्र गठवन्धन बनाएर,पार्टी फुटाएर,सांसद किनबेच गरेर सरकार बनाउने गलत संस्कार/अभ्यासले कंग्रेसको भलो गर्दैन,प्रजातन्त्र विकृत हुन्छ @PresidentNC
निष्पक्ष चुनावको वातावरण सुनिश्चित गरी ६महिना भित्र नयॅा चुनावमा गरौं।विगतका त्रुटि कमजोरी हटाऔॅ।चुनाव मात्र विद्यमान संकटको समाधान हो— Kamal Thapa (@KTnepal) May 11, 2021
सम्पूर्ण राष्ट्रिय शक्ति र श्रोत अहिले कोरोना महामारी विरुद्ध केन्द्रित गरौं।राष्ट्रिय संकल्प र प्रयास भयो भने केही महिना भित्र कोरोनाको कहरबाट देशले मुक्ति पाउन सक्छ। अनि उत्साहका साथ चुनावमा जाऔॅ।अस्थिरताको वातावरणमा मौलाएको भ्रष्टाचार,सर्वसत्तावाद र धर्परिवर्तनलाई पराजित गरौं
— Kamal Thapa (@KTnepal) May 11, 2021
