काठमाडौं- नेपाली कांग्रेसका सभापति शेरबहादुर देउवा र नेकपा माओवादी केन्द्रका अध्यक्ष पुष्पकमल दाहाल (प्रचण्ड) बीच बुढानिलकण्ठमा भेटवार्ता भएको छ । उनीहरूबीच नयाँ सरकार निर्माणकाे विषयमा छलफल भएको हो ।
दुई नेताबीच समयमै बहुमतीय सरकार निर्माण गर्ने सहमति जुटेको छ ।
राष्ट्रपति विद्यादेवी भण्डारीले संविधानको धारा ७६ (२) अनुसार सरकार गठन गर्न दलहरूलाई दिएको समय आज बेलुकी ९ बजे सकिँदैछ।
देउवाले आजै जसपाका अध्यक्ष महन्थ ठाकुर र नेता राजेन्द्र महतोसँग पनि छलफल गरेका थिए । उता एमाले अध्यक्ष केपी शर्मा ओली र वरिष्ठ नेता माधव नेपालबीच पनि भेटवार्ता जारी छ ।
प्रतिक्रिया दिनुहोस्
